ചുരുങ്ങിയ കാലം കൊണ്ട് മലയാളികളുടെ ഇഷ്ടം പിടിച്ചുപറ്റിയ കൗമാരതാരമാണ് സാനിയ ഇയ്യപ്പന്‍. 2014ല്‍ പുറത്തിറങ്ങിയ മമ്മൂട്ടിച്ചിത്രം ബാല്യകാല സഖിയില്‍ബാലതാരമായാണ് സാനിയ സിനിമയില്‍ അരങ്ങേറുന്നത്.
തുടര്‍ന്ന് ക്വീന്‍ എന്ന ചിത്രത്തിലൂടെ നായികയുമായി. നടി എന്നതിനൊപ്പം മികച്ച ഒരു ഡാന്‍സര്‍ കൂടിയാണ് താരം. വളരെ ചെറുപ്പത്തില്‍ തന്നെ ഡാന്‍സ് പരിശീലിച്ച് തുടങ്ങിയ ആളാണ് സാനിയ.
ഡാന്‍സ് റിയാലിറ്റി ഷോയിലൂടെ കടന്ന് വന്നതിന് ശേഷമാണ് സാനിയ സിനിമയിലേക്ക് പ്രവേശിച്ചത്. ഫാഷന്‍ രംഗത്തും തന്റേതായ ഒരു ഇരിപ്പിടം താരം നേടിയെടുത്തിട്ടുണ്ട്.
അഭിനയത്തിനും മോഡലിംഗിനും ഒപ്പം ഫിറ്റ്‌നസിന്റെ കാര്യത്തിലും ഏറെ ശ്രദ്ധ പുലര്‍ത്തുന്ന സാനിയ ജിമ്മിലെ വര്‍ക്ക്ഔട്ട് സെക്ഷനുകള്‍ മുടക്കാറില്ല.
ക്വീനിന്റെ വിജയത്തെ തുടര്‍ന്ന് പ്രേതം 2, ലൂസിഫര്‍, കൃഷ്ണന്‍കുട്ടി പണി തുടങ്ങി, ദി പ്രീസ്റ്റ് തുടങ്ങിയ ചിത്രങ്ങളിലും സാനിയ അഭിനയിച്ചിട്ടുണ്ട്.
ഇതിനെല്ലാം പുറമേ യാത്രകളെ ഏറെ പ്രണയിക്കുന്ന ഒരാള്‍ കൂടിയാണ് സാനിയ. വിവിധ വിനോദ സഞ്ചാര കേന്ദ്രങ്ങള്‍ സന്ദര്‍ശിക്കുകയും ആ വിശേഷങ്ങള്‍ ആരാധകരുമായി സാനിയ പങ്ക് വെക്കാറുമുണ്ട്.
കഴിഞ്ഞ ദിവസം സൈമ അവാര്‍ഡ്സിലും താരം പുരസ്‌കാരം കരസ്ഥമാക്കിയിരുന്നു. ഇപ്പോഴിതാ ഇന്‍സ്റ്റാഗ്രാം റീല്‍സില്‍ സാനിയ പങ്ക് വെച്ച ഡാന്‍സ് വീഡിയോ വൈറലാവുകയാണ്.
